COVID-19 update: Kaso sa Central Visayas padayong nagkubos
CEBU, Philippines — Padayong nagkaubos ang aktibong mga kaso sa coronavirus disease sa Central Visayas subay sa gipagawas nga resulta sa Department of Health-7 niadtong Oktubre 5, 2020.
Matud pa naa na lang sa 1, 238 ang active cases sa Covid-19 sa rehiyon human sa 22 nga nadugang nga bag-ong kaso samtang 94 usab ang nadugang sa mga nangaayo.
Sa mga bag-ong kaso, pito niini ang gikan sa Cebu City, tagsa ang Lapu-Lapu, Mandaue ug Negros Oriental, pito ang sa Bohol ug lima sa Probinsya sa Sugbo.
Ang nangaayo sa Covid-19 sa Central Visayas niabot na sa 18, 660 samtang ang mga namatay anaa sa 1,291 gikan sa 21, 189 nga cumulative total.
Dinhi sa Cebu City niabot na og 9,013 ang nangaayo human dunay 24 nga dugang nangaayo. Tungod sa nadugang nga pito ka bag-ong kaso ang Cebu City duna nay 10,038 apan 350 lang niini ang active cases.
Nagpabilin sab sa 675 ang number of deaths sanglit wala’y natala nga dugang namatay tungod sa virus.
Sa samang data sa DOH-7 ang Mandaue City dunay 2,476 total cases sa COVID-19 diin 104 ang active cases. 14 sab ka mga bag-ong recoveries ang reported, ang siyudad dunay 2,299 total number sa recoveries. Nagpabilin sab sa 143 sa maong siyudad.
Ang Dakbayan sa Lapu-Lapu dunay 2,385 total cases diin 143 niini ang active cases. Niabot na sab sa 2,141 ang recoveries sa dakbayan ug nagpabilin sa 101 ang deaths. Sa datos sa DOH-7 niadtong Lunes, ang total number sa COVID-19 cases sa Central Visayas anaa sa 21,189 diin 1,238 niini active cases; 18,660 total reported recoveries, ug 1,291 ang total reported deaths.
Sa pikas bahin 18 nalang ang aktibong kaso sa Dakbayan sa Talisay human pito ang nadugang sa mga nangaayo ug duha lang ang bag-ong kaso nga taga barangay Mohon ug Lawaan 2.
Ang siyudad adunay 969 ang kinatibuk-an nga kaso apan ang 855 niini nangaayo na samtang 96 sab ang nakalas. Decemay P. Padilla, Gabriel Bonjoc/IBM (BANATNEWS)
- Latest
