Pugante nga kanhi barangay kapitan napatay
CEBU, Philippines — Usa ka high-risk nga piniriso nga nakaeskapo gikan sa bilanggoan sa Medellin kaniadtong Marso 2019 nga usa ka kanhi barangay kapitan ang napatay sa kapolisan kagahapon sa buntag sa Bacolod City, Negros Occidental.
Ang napatay mao si Jinnifer Mercader human kini giingong nakigpinusilay sa mga awtoridad nga modakop unta kaniya. Si Mercader barangay kapitan kaniadto sa Barangay Lugo sa lungsod sa Borbon.
Matod kay Police Brigadier General Albert Ignatius Ferro, director sa PRO-7, ang operasyon gilusad nga dunay koordinasyon sa Negros Occidental Police Office aron unta dakpon si Mercader.
Si Mercader nagtago sa lugar human siya nga nakaeskapo gikan sa Medellin BJMP kaniadtong Marso, 2029. “Naay nahitabo nga armed confrontation, the police were defending themselves... the long hand of the law will surely get you if you are a criminal. So that’s the only time that justice will be served if you will be able to arrest them,” ingon ni Ferro.
Natultolan si Mercader sa tracking team sa PRO-7 diha sa lugar. Ang suspek nalakip sa Most Wanted Person sa lalawigan.
Sa operasyon, duha ka loose firearms ug ilegal drugs nga mokabat P472,000 diha sa giabangang balay ni Mercader.
Si Mercader nadakpan tungod sa illegal drug possession kaniadtong 2017 ug nabilanggo ug nakaikyas niadtong Marso 2019.
Sa miagi nga mga interbyu giangkon ni Mercader nga siya usa ka hitman kaniadto ug nalambigit siya sa pagpatay kang Police Lieutenant Colonel Joie Yape nga gipusil patay sa may Molave Street sa Cebu City kaniadtong Nobiyembre 21, 2019.
Subayon karon sa kapolisan ang mga kauban ni Mercader nga mitabang kaniya pag-ikyas. /IBM (BANATNEWS)
- Latest
