COVID-19 update: Cebu City nakatala lang og 13 ka kaso
CEBU, Philippines — Ang Department of Health Central Visayas nakatala lang og 13 ka mga bag-ong kaso sa novel coronavirus disease (COVID)-2019 niadtong nakalabay nga adlaw nga Huwebes.
Ang siyudad sa Sugbo sa kinatibuk-an duna nay 9,832 ka total cases sa COVID-19 diin 352 niini ang total active cases. Wala hinoon natala niadtong Huwebes nga dunay namatay, ang total deaths sa siyudad naa pa gihapon sa 662.
Samang ang total recoveries sa Cebu City naa sa 8,818 human nadugangan kini og duha ka bag-ong recoveries.
Samtang ang Mandaue City adunay 2,362 total cases sa COVID-19 diin 247 niini ang active cases ug nakatala sila og 10 ka bag-ong kaso niadtong Huwebes.
Ang total recoveries nila naa sa 1,986 human 13 kabuok ang nadugang nga nakarecover sa virus ug ang ilang total deaths naa sa 129 diin duha ang nadugang niin nga namatay.
Sa Dakbayan sa Lapu-Lapu duna sila’y 2,274 total cases sa COVID-19 diin 5 ang natala nga bag-ong kaso sa COVID-19 sa siyudad ug duna sila’y 198 ka active cases.
Ang total recoveries nila naa sa 1,984 diin unom ang nadugang nga naka-recover, ug ang total deaths naa sa 92.
Samtang ang Probinsya sa Sugbo nakatala og pinakadaghan nga bag-ong kaso human 66 ; Negros Oriental upat (4) ug Bohol tulo (3) ang nadugang nianang adlawa. Suma-total 101 ang bag-ong natala nga Covid-19 sa rehiyon.
Sa maong adlaw ang Central Visayas adunay 20,120 total cases sa COVID-19 diin 1,521 niini ang total active cases ug naa sa 17,373 ang recoveries samtang ang total deaths naa sa 1,226 human dunay nadugang nga unom. —Decemay P. Padilla/IBM (BANATNEWS)
- Latest
