COVID-19 update: Cebu City nakatala lang og unom ka kaso
CEBU, Philippines — Anaa na lang sa 1, 818 ang active cases sa coronavirus disease sa tibuok Central Visayas base sa gipagawas nga datos niadtong Septiyembre 7, 2020 sa Department of Health (DOH-7).
Kini human nga 31 lang ang nadugang nga kaso sa Covid-19 sa tibook rehiyon diin unom niini gikan sa Cebu City, usa sa Lapu-Lapu, duha sa Mandaue, 21 sa Probinsya sa Sugbo, ug usa sa Negros Oriental.
Ang recoveries niabot na usab sa 16, 376 human dunay 159 nga nadugang. Samtang 29 usab ang nadugang nga namatay hinungdan nga miabot na sa 1, 166 ang total deaths sa region 7.
Ang cumulative case sa Covid-19 sa tibuok Cenral Visayas anaa sa 19, 360. /IBM (BANATNEWS)
- Latest