Kamatayon sa LGBT giimbestigar
CEBU, Philippines — Padayon nga gi- imbestigar sa kapolisan ang hinungdan sa kamatayon sa napalgang patay nga lawas sa usa ka mahuyang diha sa sitio Freedom, Barangay T. Padilla, Cebu City Sabado sa gabii, Setyembre 6, tuig 2020.
Ang maong biktim giila sa iyang sister-in-law nga si Dennis Bayaton, 48, residente sa Barangay Sambag 1 ning Siyudad sa Sugbo.
Matud ni Police Captain Edgar Labe, hepe sa Waterfront Police Station, wala pa silay natan-aw nga anggulo nga posibleng magtudlo nga adunay krimen nga nahitabo.
"Kay ang report sa unahan, shooting nya murag gi -pressume ra sa nakakita didto ba,wala may nakadungog ug buto,wala say mga basiyo sa armas,walay samad pinusilan nga mag suggest na foul play, mahibaw-an ni sya nato nga unsa gyud ni ang namatyan kung mogawas nato ang autopsy,"matod ni Labe.
Dugang ni Labe, giingon usab sa mga imbestigador nga walay senyales nga adunay siyay samad sa kalawasan samtang wala usab dugo sa area diin siya nakaplagang patay.
"Ingon sab iya sister-in-law wala man sad niya siya mabantayi nga naa ni syay gibati nga sakit kay basin giatake, pero dugay-dugay na daw ni sya wala nauli kay maninda man ni sya ug mga sabon,pahumot, mag sige daw ni sya ug suroy-suroy," sigon ni Labe. Sa pagkakaron,wala wagtanga sa kapolisan ang posibilidad nga adunay sakit ang maong biktima.
Base usab sa pasiunang imbestigasyon, walay nakuha nga kasayuran ang kapolisan nga adunay kalambigitan ang biktima sa bisan unsa nga ilegal nga kalihukan nga posibleng hinungdan sa iyang kamatayon. /MEL (BANATNEWS)
- Latest
