Sandbar, marine sanctuary sa Pinamungajan gipasirad-an
CEBU, Philippines — Temporaryong gipasirad-an sa kagamhanan sa Lungsod sa Pinamungajan ang Campalabo Sandbar and Marine Sanctuary sa tanang kalihukan sa turismo.
Kini samtang gihan-ay pa sa lungsod ang mga guidelines ug regulasyon nga ipatuman sa pagbukas pagbalik sa maong tourism site ngadto sa publiko.
Nakadawat og taho ang lokal nga kagamhanan sa Pinamungajan kalabot sa pagdagsa sa mga lokal nga turista sa maong lugar.
“The sandbar was then open to the public, Bantay Dagat personnel were designated but with the volume of tourists coming to the sandbar, uncontrolled activities, improper garbage disposal, vandalism, illegal extraction of marine resources were also reported,” sumala sa Turismo sa Pinamungajan/Public Information Office Facebook page.
Ang lokal nga kagamhanan nipahigayon og clean-up drive sa Campalabo Sandbar and Marine Sanctuary pinaagi sa tourism office niini ug ubang buhatan sa lungsod.
“As to date, the facility and the surroundings are all cleaned-up and regulations will be re-implemented,” dugang sa maong post.
Wala pa hinoon gipahibawo kung kanus-a kini buksan pagbalik ngadto sa publiko. /GMR (BANATNEWS)
- Latest
