6 nakaeskapo sa pagronda sa tigbakay sa Daanbantayan gipangita na
CEBU, Philippines — Unom ka mga tawo ang gipangita sa kapolisan human makaeskapo sa gironda nga tigbakay sa Sitio Camotes, Barangay Tapilon sa Lungsod sa Daanbantayan diin tulo nadakpan.
Si Police Staff Sergeant Joseph Dela Cerna sa Daanbantayan Police Station miingon nga ang tulo nga ilang nadakpan maoy kauban sa kapin sa napulo ka mga tawo nga nagpasiugda og tigbakay.
Ang tulo nga nadakpan giila nga mao sila si Rogelio Arisgado, 27; Sammy Bayadog, 43; ug Gideon Doliente, 44, nga pulos nagpuyo sa maong dapit.
Naglakip sa mga nakaeskapo mao ang usa ka Victor Cañete nga giingong maoy usa sa nagpasiugda sa maong illegal nga sugal. —/Mel (BANAT NEWS)
- Latest