KalihOkan sa turismo sa probinsiya buksan na

Cebu, Philippines — Ang buot moadto sa mga tourist destination sa Probinsiya sa Sugbo mahimo na kining mopa-book sa online diha sa https://discover.cebu.gov.ph/.

 Anaa na ang online portal sa Probinsiya sa Sugbo alang sa tourism activities sa probinsiya.

Ang maong booking portal mohatag og impormasyon sa mga tour nga available sa probinsiya lakip na ang lokasyon, rated ug mandatory protocols ug standards sa matag tourism activity.

Ang tumong sa online booking mao pagkontrolar sa gidaghanon sa mga bisita sa tourism sites sa Probinsiya sa Sugbo nga karon gipaubos sa modified general community quarantine (MGCQ).

 Sugod ugma ilusad sa Probinsiya sa Sugbo ang pagbukas sa tourism activities diha sa Lungsod sa Oslob ug sa mga lungsod sa Moalboal ug Badian sa Sabado ug Lungsod sa Barili sa Domingo.

Subay niini, si Gobernador Gwendolyn Garcia niumol sa Cebu Provincial Tourism Task Force diin ang tahas niini mao ang pag-monitor ug pagsiguro nga ang mga accredited establishment sa turismo sa probinsiya nisunod kini sa guidelines nga gilatid sa EO 20- A.

Lakip nga i-monitor ang serbisyo nga gihatag sa mga trabahante sa maomg mga establisamento. (BANAT NEWS)