Duha ka Seniors dakpan sa tigbakay sa Daanbantayan

CEBU, Philippines — Gipaabot nga isang-at karong adlawa  Lunes Hulyo 20, 2020  ang  kaso batok sa duha ka  senior citizen nga nadakpan nga nagtigbakay diha sa Barangay Tominjao  sa Lungsod sa Daanbantayan niadtong sabado..

Si  Police Staff Segeant Ramon Catubig sa  Daanbantayan Police Station miila sa nadakpan nga sila si Elpedio Rosell,  64 ug Ricardo Gastador, 66 nga pulos nagpuyo sa maong dapit.

Matud pa ni Catubig `nga ilang gihimo  ang pagpangronda  human sila makadawat og tahu kalabot sa grupo sa mga tawo nga nagtapok nga pulos nagdala og manok igtatari.

“Naay mga mu text diri sa amoang hotline nga naay mag tari-tari so ang amoang gibuhat diri sa among operatives kauban sa among hepe, ila pud ning gipanid-an hangtod sa pagkadakop aning mga tawhana, dili lang man ni kay kausa ra, ikadaghan naman ni, “ sigun ni Catubig.

Pag abot sa kapolisan sa nahisgutang dapit dali nga nanagan ang mga nagtapok apan ang duha ka senior citizen maoy ilang nasikop.

“Ari man ni sila sa kasagbotan, sa sulok-sulok man ni sila mag tagbo…diri ni sila magkita kaning naay mga mga sagbot pero naay hawan aron dili sila makit-an ba pero kining mga concern citizen mu message man gihapon sa atoa,” dugang ni Catubig.

Si Catubig miingon  nga lima sa mga nakadagan  ang ilang  nakuhaan og pangalan pinaagi sa mga molopyo sa dapit ug malakip gihapon sila sa pasakaan og kaso.

Ang mga suspetsado nga naka-ikyas giila nga sila Brian Conde, Rafael Soner, Victor Brigoli, Arturo Conde, ug usa ka alyas Brader nga pulos mga molopyo sa Barangay Tominjao. Romeo T. Limpangog/MEL (BANATNEWS)