Mga donasyon sa Cebu City ipa-account
CEBU, Philippines — Gimandoan na ni Cebu City Mayor Edgardo Labella ang iyahang mga sakop sa pag-account sa mga donasyon nga nadawat sa kagamhanan sa Siyudad sa Sugbo sukad niadtong buwan sa Marso niining tuiga.
Nagkanayon si Labella nga gimandoan niya si Atty. Floro Casas, city administrator ug Atty. Maru Salvatierra, chief of staff nga ang tanang donasyon kinahanglang accounted kini o adunay tukmang record.
Gipasabot ni Labella nga ang mga donasyon bisan gikan sa private individuals kon ma-donate na kini sa local government unit mahimo na kining public property hinungdan nga gikinahanglan gyud nga ma-accounted kini hangtod ngadto sa kataposang item.
Si Labella nihatag usab kini og direktiba kang Salvatierra sa pagpagawas unya og lista alang sa transparency ug accountability. /BDB (BANATNEWS)
- Latest