Paghatag ug gadget sa mga tinun-an alang sa “online learning” gisugyot sa konseho
CEBU, Philippines — Gihangyo ni Cebu City Councilor Alvin Dizon ang buhatan ni Mayor Edgardo Labella nga tun-an ang posibilidad nga mahatagan ang tanan nga mga estudyante sa publikong eskuwelahan sa syudad og gadget ug uban pang mga aparato nga ilang magamit sa gitawag ug "blended learning approach." nga ipatuman sa Department of Education.
Gisugyot usab ni Dizon kang Mayor Edgardo Labella nga ikonsiderar ang posibilidad sa pag instolar og fiber optics aron mahatagan og paspas, kasaligan, ug barato nga internet connection ang matag panimalay .
Kini aron masiguro nga dunay access ang tanang estudyante sa internet ug makabaton ug de kalidad nga edukasyon ang mga tinun-an sa mga publikong eskwelahan.
"The adoption of the mixed method of learning in the face of the public health crisis means heavy dependence on the internet," matod ni Dizon.
Sa nasayran gisugyot sa Department of Education nga ipatuman ang blended learning modalities ilabi na ang “online learning classes” alang sa school year (SY) 2020-2021.
Ang maong sugyot sa DepEd naggumikan sa gisagubang karon sa nasud nga COVID-19 pandemic diin dili luwas ang mga estudyante nga moadto sa mga tunghaan alang sa face- to face nga klase. /MEL (BANATNEWS)
- Latest