Duha opisina sa CCPO gi-lockdown
CEBU, Philippines — Laing 25 ka polis nga sakop sa Cebu City Police Office (CCPO) ang gikakitaan og impeksyon sa dugo human sa gipahigayon nga rapid testing sa mga sakop niini pipila ka adlaw human nga dunay duha nila ka mga kauban ang nakalas tungod sa COVID-19.
Matud ni CCPO officer-in charge Police Colonel Cydric Earl Tamayo miingon nga 133 ka polis sa CCPO Headquarters ang gipaubos sa test ug migawas nga ang 25 kanila gituohang na-exposed sa virus.
Giingong duha sa 25 ang nigawas nga positibo sa virus human napaubos sa swab test. Tungod niini, duha ka mga opisina sa headquarters sa CCPO ang gi-lockdown, kini mao ang Operations Branch ug ang Office of City Director (OCD).
Ang 14 ka personnel nga nadestino sa maong duha ka buhatan gipang isolate nang daan. Gipasalig ni Tamayo nga mosunod sila sa health protocols sama sa 14 adlaw nga quarantine ug magpaubos sab sa swab testing.
"Duha ka opisina lang nato atong gi lockdown kay naa tay kauban nga nag positive. So, nag contact tracing nata. Ang among ga positive gikuha na kagabii pa," matud pa ni Tamayo
Tungod sab niini, temporaryo una nga gisuspenso ag pag issue og mga travel authority alang sa mga Local Stranded Individuals (SLIs) tungod kay sila maoy nagproseso niini. /IBM (BANATNEWS)
- Latest