Tulo nadugang sa kaso sa COVID-19 sa Mandaue
CEBU, Philippines — Dugang tulo ka kaso sa coronavirus disease 2019 ang natala sa Dakbayan sa Mandaue.
Naglakip sa labing bag-ong pasyente nga natala niadtong Sabado Mayo 23, 2020 ang 47-anyos nga lalaki nga person deprived of liberty sa Mandaue City Jail nga gitala isip patient MC220.
Ang ikaduha mao ang patient MC221 nga 66-anyos nga babaye sa Sitio Tribunal, Barangay Centro ug ang patient MC222 nga 41-anyos nga babaye sa P. Remedio St. Barangay Banilad, Dakbayan sa Mandaue.
Ang mga personnel sa City Disaster Risk Reduction and Management Office nihimo na pag-decontaminate sa maong mga dapit ug base usab sa gipahibalo sa Public Information Office sa maong dakbayan maoy natala ang 222 nga Covid-19 cases, samtang pito ang nakarekober ug tulo ang namatay. /GMR (BANATNEWS)
- Latest
