Bantay sa border checkpoint sa Talisay City minusan

CEBU, Philippines — Minusan na og sakop sa City of Talisay-Traffic Operation Development Authority nga idestino sa border checkpoint.

Kini maoy gipahibawo sa pangulo sa CT-TODA, Jonathan Tumulak, nunot sa pagbutang sa temporaryong bus terminal sa dakbayan karon nga gipaubos sa General Community Quarantine (GCQ) ang Probinsiya sa Sugbo.

Hinuon iyang giklaro nga wala pay pangpublikong sakyanan ang gitugutan nga makabiyahe bisan pa man GCQ na ang probinsiya samtang Modified Enhanced Community Quarantine (MECQ) ang Siyudad sa Talisay.

Gipanglantawan ni Tumulak nga sa mga mosunod nga adlaw daghan na nga bus ang mamasahero.

Asoy pa niya nga gikuhaan niya og tawo sa border checkpoint aron maseguro nga maayudahan ang temporaryong terminal bahin sa trapiko.

Ang temporaryong terminal nahimutang sa South Road Properties (SRP) dili layo sa border checkpoint. /GMR (BANATNEWS)