COVID19 Update: Namatay sobra na 100
CEBU, Philippines — Milapas na og usa ka gatos ang nakalas sa coronavirus (COVID19) dinhi sa nasud human gipahibalo sa Department of Health ang nadugang nga 11 ka mga namatay sa maong sakit kagahapong adlawa.
Miabot na og 107 ang namatay samtang misaka na sab ngadto sa 2,633 ang kompirmadong natakboyan niini human nadugang ang 322 ka kaso sumala pa sa DOH. Sud sa nakalabay nga duha ka adlaw nakatala lang ang DOH og usa nga naayo. Ang nangaayo naabot na og 51.
Ang World Health Organization mipasidaan nga posibleng moabot og usa ka milyon ang mataptan sa maong sakit sa tibuok kalibotan niining mosunod nga mga adlaw.
“As we enter the fourth month since the start of the COVID-19 pandemic, I am deeply concerned about the rapid escalation and global spread of infection,” sumala pa sa pangulo sa WHO nga si Tedros Adhanom Ghebreyesus sa report sa Philstar.Com.
Miabot na og kapin 932,000 ka tawo ang nataptan niini ug dul-an 46 mil na ang namatay sukad nga nadiskubrehan ang maong virus didto sa Wuhan, China sa bulan sa Disyembre sa miaging tuig. IBM (BANATNEWS)
Related video:
- Latest