PSA temporaryong isirado ang frontline services
CEBU, Philippines — Nipahibalo ang Philippine Statistic Authority nga temporaryong sirado ang ilang frontline services sa tanang Civil Registration System outlets sa tibuok nasud.
Kini ang gitug-an ni Noel Rafols, tigpamaba sa PSA -7 nga nahinabi sa Banat News.
Matud ni Rafols nga nakadawat sila og kamandoan gikan sa ilang labaw nga buhatan nga walay transaction nga mahitabo sama sa issuance sa civil registry documents nga naglangkub sa birth certificate, marriage, death certificates ug certificate of no marriage (CENOMAR) hangtud sa Abril 14, 2020.
Gawas niini, temporaryo usab nga gisirado gikan sa Marso 17 ang online application sa civil registry documents.
Ug temporary unavailable ang pagdawat sa application sa PSA-issued documents pinaagi sa Batch Request System ug LGU.
Mahimo usab nga makig-alayon ang katawhan sa mga hotline number gikan sa alas 8:00 sa buntag hangtud sa alas 5:00 sa hapon kong mangayo sila og assistance kabahin sa civil registration sa 09458406735 o 09997991873.
Apan ang PSA aduna silay trabaho diha sa ilang opisina upat ka adlaw sulod sa usa ka semana. /BDB (BANATNEWS)
- Latest