P1.4 milyones shabu nasakmit, pito ka durugista sikop
CEBU, Philippines — Nikabat ngadto sa P1.4 milyones ang balor sa shabu nga nasakmit atol sa operasyon sa kapolisan sa Pardo Police Station diha sa managlahing barangay sa Dakbayan sa Sugbo.
Ang mga nasikop sa unang operasyon mao sila si Honrel Garcia, 25-anyos ug mga kauban niini nga sila si Eleusyl Igot, 27, Roger Manuad, 36 ug Jhundei Bacalla.
Si Police Major John Kareen Escober, hepe sa Pardo Police Station nibutyag nga nakadawat sila og impormasyon kabahin sa ilegal nga kalihukan sa suspetsado.
Giingong si Garcia ug Igot makabaligya kini og 25 gramos nga shabu matag semana.
Nasakmit sa mga polis gikan kang Garcia ug Igot ang 110 gramos nga shabu nga nibalor tanan ngadto sa P748 mil.
Samtang sa Sitio Bayanihan, Basak Pardo nasikop sila si Randy Dela Pieza alyas “Botoy”, 35, taga San Carlos Heights, Barangay Quiot Dakabayan sa Sugbo, Glenn Gabuya, 25 taga Sitio Bogo, Barangay Quiot Pardo ug BJ Pantino Gabutero, 39, taga Sitio Lawis Barangay Pasil, Dakbayan sa Sugbo.
Giingong ang maong mga suspetsado makabaligya og 50 ngadto sa 100 gramos nga shabu matag semana.
Nasakmit sa mga polis gikan sa mga suspetsado ang 105 gramos nga shabu nga nibalor tanan ngadto sa P714 mil. Romeo Marantal/BDB (BANATNEWS)
- Latest
