Kanhi school administrator gipatay
CEBU, Philippines – Patay ang kanhi school administrator sa usa ka pribadong tulunghaan dihang gibanhigan sa riding in tandem diha sa dalan Rizal sa Barangay Poblacion, Dakbayan sa Danao alas 5 pasado ang takna sa Huwebes sa buntag.
Ang biktima mao si Gregoretta Manto, 46, taga dalan Bonifacio sa Barangay Poblacion sa maong dakbayan.
Ang biktima nga kanhi administrador sa Manto Memorial College Foundation diha sa maong dakbayan.
Matud pa nagbarog kini daplin sa dalan sa dihang gihunongan kini og motorsiklo nga dunay sakay nga duha ka lalaki ug kalit kining gipaulanan og bala.
Nakaangkon og daghang samad pinusilan sa iyang kalawasan ang biktima nga nakaingon sa hinanali niining kamatayon.
Ang mga imbestigador sa Danao City Police Station ang mopalawom pa sa ilang imbestigasyon aron pag-ila sa mga mamumuno ug motibo sa maong pagpatay. /IBM (BANAT NEWS)
- Latest
