Taho vendor nasaypang asset?
CEBU, Philippines – Taho vendor gipusil patay samtang naninda diha sa Sitio Little Hawayan Purok 3 Barangay Cogon Pardo Dakbayan sa Sugbo kagahapong adlawa.
Matud ni Pardo Police Station Chief Police Major John Escober mibutyag nga wala pa hangtud karon mailhi ang maong lalaki.
Apan nagduda silang nasaypang police informant ang biktima tungod kay ang nahisgutang dapit naghitak ang namaligya og illegal nga drugas.
Gipanawagan sab sa kapolisan sa Pardo kun kinsa ang nangita og kabanay nga taho vendor nga wala na makauli sa ilaha sa pagdangop diha sa ilang buhatan.
Sa pagkakaron, wala pay mahatag nga impormasyon ang kapolisan kun kinsa ang nagpatay sa biktima. /IBM (BANAT NEWS)
- Latest