Labella nibisita sa mga lugar sa Taal

CEBU, Philippines — Personal nga nibisita kagahapon si Cebu City Mayor Edgardo Labella sa mga dapit sa Batangas nga apektado sa pagbuto sa Taal Volcano aron pagsuta kung unsa ang matabang.

Nahimamat ni Labella si Batangas Governor Hermilando Mandanas.

Matud sa mayor nga base sa ilang assessment kauban ni Cebu City Disaster Risk Reduction and Management Office chief, Harold Alcontin, nga nagkinahanglan ang mga tawo og pagkaon, tubig, hygiene kits ug uban pa.

Ang mayor morekomendar sa konseho sa siyudad nga mohatag og cash assistance sa kantidad nga P5 milyones.

Ang pagbisita ni Labella isip sab siya ang pangulo sa League of Cities of the Philippines. Alicia Ivy L. Chua/GMR (BANATNEWS)