Kahapsay sa Basilica gipangandaman
CEBU, Philippines — Subsob ang gihimong pagpangandam sa Basilica Minore del Santo Niño sa umaabot nga kapistahan sa Balaang Bata.
Karong tuiga mao ang ika-455 nga Fiesta Señor nga dunay tema nga, “Sto. Niño, the abiding presence of the Father in our journey of faith”.
Si Rev. Fr. Aladdin Luzon, OSA, chairman sa Cluster 4: Safety, Security, Peace and Order sa kapistahan, niasoy nga matag tuig ilang gipalambo ang pagpatuman sa seguridad.
Ang mga maayo nga gipatuman sa 2019 subli kining ipatuman sa karon sama sa pedestrian flow diin ang entrance didto gihapon sa Plaza Sugbo.
Karong Enero 9 sa alas 3 sa kaadlawon magtapok sa Fuente Osmeña Rotunda ang mga deboto alang sa Penitential Walk With Jesus ug isunod ang Solemn Mass alang sa opening salvo sa kapistahan ingon man ang installation rites sa 2020 Hermano ug Hermana Mayores.Sa Enero 17, adlaw’ng Biyernes mao ang Penitential Walk with Mary ug ipahigayon sab ang Traslacion sa imahen ni Señor Santo Niño ug Birhen sa Guadalupe gikan sa Basilica paingon sa National Shrine of St. Joseph sa Dakbayan sa Mandaue.
Sa Enero 18, adlaw’ng Sabado, usa ka misa ang ipahigayon sa National Shrine of St. Joseph una pa dad-on ang duha ka imahen paingon sa National Shrine of Virgen dela Regla nga sundan sa fluvial procession. GMR (BANATNEWS)
- Latest
