Gullas gi-isnab sa mga opisyal mcwd
CEBU, Philippines – Gihulagway nga “way respetar” ni Talisay City Mayor Gerald Anthony “Samsam” Gullas Jr. ang taga Metropolitan Cebu Water District human pakyas sa pagtungha sa unang tigum sa Talisay Water Management Council.
Samtang nagpaabot sila si Gullas ug ubang mga opisyal sa siyudad, maoy ilang nahibaw-an nga nagbakasyon ang kadagkuan sa MCWD sa Singapore ug Japan.
Gipabuhagay ni Gullas ang iyang kasagmuyo pinaagi sa social media.
“Gipahuwat pa tag pila ka oras and wala pa gyud sila misulti nga mibakasyon sila sa mismong adlaw nga gisabotan namo. Where is the professional courtesy?” tipik sa post ni Gullas.
Matud ni Gullas nga buot unta niyang ipaabot sa MCWD ang reklamo sa katawhan sa kanihit sa supply sa tubig nga unta ang siyudad usa sa ilang tinubdan sa tubig.
Ang tigpamaba sa MCWD nga si Charmaine Kara nipasabot nga aduna lay miscommunication hinungdan nga nangayo sila og pasaylo sa mayor. /GMR (BANAT NEWS)
- Latest
