Labella, Rama maayo ang relasyon
CEBU, Philippines — Gipasalig ni Cebu City Vice Mayor Michael Rama nga maayo ang ilang relasyon ni Mayor Edgardo Labella.
Kini bisan sa pagluwat ni Rama sa katungdanan isip chairman sa Sinulog Foundation, Inc. sulod na sa 14 ka tuig gumikan sa giingong wala pagpaapil kaniya sa pagpangandam sa Sinulog 2020.
Giingong wala siya giimbitar sa tigum sa Cebu City Sinulog Governing Board nga gimugna ni Labella.
"Dili man na mawagtang ang relationship. Ang importante, para nako, naa na man ko sa Sangguniang Panlungsod that would make me focus on the SP on legislative matter, akong mga programs. Naa man koy plataporma, agenda nako. Support man ko sa agenda sa mayor pero motingug sad ko kung about na sa Sangguniang Panlungsod kay I have a responsibility diha," matud ni Rama.
"Kinahanglan nga adunay unity sa legislative ug executive," dugang niya.
Ang sa bise mayor niasoy nga siya ug si Labella naghisgut pila ka adlaw ang nilabay bahin sa mga butang sa Sinulog.
"Kami ni mayor, nag-estorya mi a few days, naklaro gyud namo ang iya jud concern kay peace and order, lipay ko ana. Kanang traffic. Kanang mga regulatory, kay mao man gyud na ang gi-envision sa refined governing board. And I wish that we'll have to be respected. Mao ra gyud na," matud niya.
Si SFI president Pericles Dakay ang kasamtangang nilingkod isip chairman sa SFI. (/GMR)(BANATNEWS)
- Latest
