Termination sa MCWD board gibarugan ni Labella
CEBU, Philippines — Dili na mausab ang baruganan ni Cebu City Mayor Edgardo Labella sa pagtangtang sa lima ka sakop sa board of directors sa Metropolitan Cebu Water District (MCWD).
Gipahimangnoan ni Labella ang mga hingtungdan sa sangputanan sa ilang pagmagahi pagkanaug sa pwesto. Gisupak nilang MCWD Board chairman Jose Mari Yu ug kaubanan ang kamanduan ni Labella tungod kay giingong kalapasan kini sa balaud ug wala sila hatagi og due process. Si Gob. Gwendolyn Garcia sa iyang bahin nagkanayun nga angay magbaton og delicadeza ang mga hingtungdan.
Nipadayag si Garcia sa iyang sentimento gumikan kay walo ka local government units sa Metro Cebu sakop sa lalawigan nga wala na kauyon sa serbisyo sa MCWD.
Nagtuo si Garcia nga kahibawo si Labella sa iyang gihimo isip usa ka abogado. (/GMR)(BANATNEWS)
- Latest