Phase 1 sa Lapu-Lapu hospital magamit na
CEBU, Philippines — Nahuman na ang phase 1 sa Lapu-Lapu City District Hospital nga kantidad og P22 milyones nga gikan sa Department of Health.
Ang kadagkuan sa DOH-7 ug mga doktor sa tambalanan ang kauban ni Mayor Junard “Ahong” Chan sa ceremonial cutting of ribbon sa nahuman nga bahin sa tambalanan.
Gisugdan ang pagtukod sa dugang building sa maong tambalanan sa panahon pa ni kanhi mayor ug karon Kongrtesista Paz Radaza.
Si Chan nipasabot nga iyang nasunod ang dugay nga nahuman nga proyekto sa niaging administrasyon sanglit 2016 pa unta kini gisugdan ug mahuman ang phase 2 nga kantidad og P30 milyones karong tuiga.
“Mao na nga gi-call nato ang attention sa contractor, gitagaan nato og ultimatum until the month of September so nahuman gyud,” matud ni Chan.
Ang phase 3 gigahinan na sab aog pundo sa DOH sa kantidad nga P30 milyones gihapon. (/GMR)(BANATNEWS)
- Latest
