CIDG moduso dugang ebidensiya batok 181 Chinese

CEBU, Philippines – Moduso og dugang ebidensiya ang Criminal Investigation and Detection Group 7 batok sa 181 ka Chinese nga nasikop sa online gambling sa Dakbayan sa Lapu-Lapu.

Kini sumala pa ni Police Lieutenant Colonel Hector Amancia, deputy chief sa CIDG-7, human gipabuhian sa piskaliya ang mga dinakpan tungod sa giingong kahuyang sa mga ebidensiya.

“I will refrain to comment on that, but we are preparing sa among dokumento that we will be submitting later on sa City Prosecutor’s Office,” matud ni Amancia.

Giklaro niya nga gitahud nila ang findings sa piskaliya apan wala nagpasabot nga niuyon sila niini. “Walay disappointment, it is part of our job. Trabaho lang, we were just doing our job,” dugang ni Amancia. (/GMR)(BANAT NEWS)