May mga tinun-ang namaligya og drugas
CEBU, Philippines — Way lipud-lipod nga giangkon ni Kapitan Benjie Cabigas sa Barangay Tabunok, Dakbayan sa Talisay nga nakasulod na sa mga tunghaan sa ilang barangay ang ilegal nga drugas. Kini base sa mga nadawat nilang report gikan sa mga magtutudlo sa maong tunghaan. Sumala pa niya, iyaha na kining gisumbong ngadto sa kapolisan.
Matud niya nakatampo kini s aka-bayolente karon sa mga kabataan itandi sa karaang panahon. Matud niya nga ang uban sa mga batan-on karon nagtinil na og armas ug daladalahon diha sa ilang tunghaan. Wala hinuon niya hinganli kunsa nga tunghaan ang iyang gipasabot.
Sumala pa niya, labing maayo unta nga ang mga bata adunay mga kalingawan sama sa sports activities aron malikay sa dautang bisyo.
Samtang si Police Major Orlando Carag Jr., pangu sa kapulisan sa Dakbayan sa Talisay miingon nga ilaha na kini karong gitutokan.
Gimando na sab niya sa mga sakop nga permanenteng tutokan ang mga tunghaan ug kanunayon ang pakigsandurot kauban sa mga magtutudlo ug pangitaon kun kinsa kining mga estudyanteng nalambigit sa illegal nga drugas. (/IBM)(BANATNEWS)
- Latest