Serbisyo sa LCRO ma-available na sa VSMMC

CEBU, Philippines — Ang Local Civil Registrar’s Office mahimo nang available diha sa Vicente Sotto Memorial Medical Center Malasakit Center aron mas mapadali ang proseso sa pagtala sa mga gipanganak diha sa maong tambalanan.

Ang serbisyo sa Local Civil Registrar’s Office sa Dakbayan sa Sugbo mahimong available diha sa Malasakit Center.

Si Secretary Michael Dino sa Office of the Presidential Assistant for the Visayas nihangyo kang Mayor Edgardo Labella nga mobutang og help desk diha sulod sa VSMMC Malasakit Center aron makatabang og record sa mga gianak sa maong tambalanan.

Si Labella nitubang sa maong hangyo ni Dino ug nipasalig nga mobutang og personnel diha sa Malasakit Center karong semanaha.

Matud ni Labella nga molanat usab og pipila ka adlaw ang pagproseso sa birth registration sa mga ginikanan sa ilang bag-ong anak diha sa City Registrar’s Office nga nahimutang sa city health building hinungdan nga mobutang sila og personnel diha sa Malasakit Center aron mas mapasayon kini sa mga ginikanan ang pagproseso kong ugaling adunay mga kausaban.

Sa maong tinguha ni Labella mapasalamaton usab si Dino niini aron mas mapadali usab ang proseso diha sa pangagamhanan.

Sa pagkakaron adunay lima ka major agencies sulod diha sa Malasakit Center nga naglakip sa Malasakit Fund gikan sa office of the president, Philhealth, Department of Health (DHO), Department of Social Welfare and Development (DSWD) ug Philippine Charity Sweepstake Office (PCSO). (BDB)(BANATNEWS)