OBO gitugotang mopagawas og kopya sa dokumento
CEBU, Philippines — Ang Cebu City’s Office of the Building Official (OBO) gitugotan nga mopagawas og mga kopya sa dokumento ngadto sa publiko kon mobayad kini sa pagpakopya niini.
Kini aron pagpakita og transparency sa kagamhanan sa Siyudad sa Sugbo ngadto sa publiko.
"Considering that they partake of public documents, in compliance of the National Building Code, they may be released to the public henceforth”, matud ni city attorney Rey Gealon human makadawat og hangyo gikan sa OBO. Apan matud ni Gealon nga adunay mga dokumento nga eksklusibo sa pag-access sama sa gilatid sa Executive Order No. 2 ni Presidente Rodrigo Duterte. Ang uban niini nga mga exception alang sa publiko mao ang impormasyon nga nasakop sa executive; pagpatuman sa balaod ug pagpanalipod sa kaluwasan sa publiko ug personal; prejudicial premature disclosure, ug uban pa.
Ang tipik sa maong EO ni Duterte nagkanayon nga ang matag Pilipino adunay access sa impormasyon, official record, public record, ug mga dokumento ug papeles nga may kalabutan sa opisyal nga mga aksiyon, transaksiyon o mga desisyon, ingon man sa mga datos sa panukiduki sa gobiyerno nga gigamit nga sukaranan sa paglambo sa polisya. (/BDB)(BANATNEWS)
- Latest