Drug den sa Talisay City gironda
CEBU, Philippines — Tulo ka mga tawo ang nasikop sa gipahigayon nga anti-illegal drugs operation sa mga tinugyanan sa Provincial Intelligence Branch sa may Sitio Luna, Barangay Lagtang, Barangay Talisay City kagahapon sa buntag.
Ang nasikop naila nga sila si Arnulfo Bacalso Jr.,24, subject sa buy bust, John Bacalso, 26, pulos mga high value targets s ug Jeive Landyl Aldiano, 22, nga nalakip sa drug watchlist.
Nangulo sa maong operation mao ang hepe sa PIB na si Police Lieutenant Colonel Marlu Conag uban sa mga ginsakopan niini ug pakig-alayon sa PDEA7. Nasakmit gikan sa mga dinakpan ang mga pinutos sa ginadili nga drugas nga motimbang og 25.36 gramos nga mobalor og P172,448.00 base sa Dangerous Drugs Board value, ug lakip usab ang buy bust money.
Sa laing operasyon, mokabat sa P340 mil nga balor sa illegal nga drugas ang nasakmit sa kapulisan atol sa gipahigayong buy-bust operation sa Barangay Suba, Dakbayan sa Sugbo adlaw Sabado.
Ang nadakpan mao ang 37-anyos nga si Warlito Laborte nagpuyo ra sab sa maong lugar kinsa nasakmitan sa kapolisan og 10 ka pakete nga gituohang shabu. Ang nakadakop kaniya mao ang grupo nilang Police Staff Sergeant Dexter Costillas, PSSG Alexander Arias ug PSSG Jan Cantay mga sakop sa San Nicolas Police Station. (Jenny Luz R. Tejas ug Noreen Rose C. Vilchez/IBM)(BANATNEWS)
- Latest
