Pasyente di na angay dad-on sa VSMMC
CEBU, Philippines — Mopatuman og clustering ang Probinsiya sa Sugbo sa mga district hospitals alang sa referrals sa mga pasyente.
Matud ni Bokal Kerrie Shimura, chairman sa committee on public health and social services sa hunta probinsiyal, nga tumong niini nga mominus na ang madala nga pasyente sa Vicente Sotto Memorial Medical Center (VSMMC).
“Naa nay guidelines from district hospitals to the provincial hospitals before moadto sa VSMMC,” matud ni Shimura.
Nasayud ang Kapitolyo nga ubay-ubay na ang pasyente sa VSMMC hinungdan nga matud ni Shimura nga mao kini ang ilang tinguha nga kun mamahimo maatiman sa mga tamblanan sa probinsiya aron nga gawas nga dili na kaayo layo alang sa pasyente dili na usab kaayo gasto
Hinoon gitataw ni Shimura nga magdepende kini sa kaso sa pasyente ug kapabilidad sa tambalanan sanglit kun dili madala sa district hospital mamahimong madala ngadto sa provincial hospitals.
Matud ni Shimura nga ang clustering usa sa pamaagi sa probinsiya nga mas molambo ang health care services sa 16 ka provincial ug district hospitals
Sa pagkakaron naminusan ang mga medical staff sa mga tambalanan tungod kay ang uban wala na ma-renew apan matud ni Shimura nga base sa iyang pakighinabi sa chief of hospital ilabi na sa Lungsod sa Daanbantayan nga manageable lang ang tambalanan.
Ang Kapitolyo nagsugod na og bidding alang sa pag-outsource og empleyado ilabi na ang mga medical personnel nga ibutang sa mga tambalanan. (BANAT NEWS)
- Latest
