Paggamit og plastik idili na sa Lapu-Lapu
CEBU, Philippines – Gilauman nga mapatuman na usab sa Dakbayan sa Lapu-Lapu ang pagdili sa paggamit og mga plastic bag kong mahingpit na unya sa konseho ang pagpalabang sa ordinansahon nga nagdili na sa mga tindahan ug mga mall sa paggamit og plastic bag.
Si Konsehal Rico Amores, chairman sa committee on environment sa konseho sa dakbayan ug mga mga molupyo uban sa nagkalainlaing sektor ang nitambong sa gipahigayong public hearing.
Sa maong ordinansahon nga gipangamahanan ni Amores maoy iyang tinguha ang hingpit nga pagdili og gamit sa mga plastic bag ug giawhag ang mga mamalitay nga magdala kini og mga sudlanan sa ilang mga kinompra.
Nag-unang katuyoan sa pagdili og gamit sa mga plastic bag mao ang nasinati nga mga pagbaha tungod sa mga plastik nga gipanglabay ug nakabarado sa mga agianan sa tubig. (/BDB)(BANAT NEWS)
- Latest