Mga kapitan sa Talisay armasan
CEBU, Philippines — Aron makapanalipod sa ilang kaugalingon, hatagan og armas ang tanang barangay kapitan sa Siyudad sa Talisay.
Si San Isidro Barangay Kapitan Marietta “Yehyen” Bucao, presidente sa Association of Barangay Council (ABC) mipasar og ordinansa sa paghatag og armas ngadto sa mga kaubanan niyang barangay kapitan.
Asoy pa niya nga ang nahitabo ni anhing Barangay Lawaan III Kapitan Jimmy Bartilic, usa sa mga rason kon nganong angay nga armasan ang 22 ka mga nangulo sa barangay sa dakbayan
Si Bucao miingon nga mihangyo sab gyud ang iyang mga kaubanang kapitan subay na sa paghingusog sa kampanya batok sa ginadiling drugas.
Siya nagkanayon nga delikado gyud ang ilang trabaho kay dili man sila makabalibad kon adunay mga magpakitabang kanila.
Sa pagkakaron, nangita na og supplier ang kagamhanan aron mahatag ang tinguha nila nga .9mm nga armas. (/DILT)(BANATNEWS)
- Latest
