Lacson miawhag sa Comelec imbestigahon ang CCPO

CEBU, Philippines — Nangangkon ang kadagkoan sa Police Regional Office-7 nga wala silay gidapigang politiko dinhi sa Central Visayas human nga si Senador Panfilo Lacson niawhag sa Commission on Elections nga imbestigahon ang kapolisan sa Dakbayan sa Sugbo tungod sa pasangil nga nidapig sila og lokal nga politiko.

“Cebu City is a case of the PNP dipping their fingers into partisan local politics. The incumbent mayor has his hands full in dealing with his rival candidates and the city’s own police force. COMELEC should step in before things get out of hand,” sigun ni Lacson sa iyang social media account.

Nasayran nga nagkainit karon ang panagbangi tali nila ni Cebu City Mayor Tomas Osmeña ug ni Cebu City Police Office City Director Colonel Royina Garma.

Sa pinakauwahing pasangil ni Osmeña pinaagi sa iyang post sa social media, giingong wala badlonga sa Traffic Police ang mga habal-habal drayber nga nagsul-ob og t-shirts nga adunay logo batok kang Osmeña bisan pa man og wala sila nagsuot og sapatos.

Samtang ang iyang mga supporters nga nagmotor padung sa ilang miting de avance niadtong adlaw nga Domingo gipangisyuhan og tiket tungod kay nag-tsinelas.

Apan ang direktor sa PRO-7 nga si Brigadier General Debold Sinas nangangkon nga ‘neutral’ sila sa kapolisan.

“The PNP will always remain neutral in the coming elections. We don’t have problem on the COMELEC verifying the actions of the members of the Cebu CPO. We will always follow the lead of the Comelec,” sigun pa ni Sinas.

Si Garma kinsa atoa sa Manila sa phone interview mibutyag nga gipatawag siya ni Presidente Rodrigo Duterte.  Apan giklaro niya nga wala kini kalabotan sa panagbangi nila sa mayor.

“I was told by the president to report to him directly today. Hindi ‘yan (kabahin ni Osmeña) ang agenda, But I’m sure itatanong, so sasabihin ko lang din kung ano ang situation,” sigun ni Garma.

“Hindi ako tsismoso. Hindi ako nagsusumbong. When asked, I answer. I don’t voluntarily give inputs na nakakasira sa ibang tao,” dugang niini.

Padayag pa sa maong colonel nga wala siya nahasol sa mga pagpangatake kaniya ni Osmeña, gani nag –“enjoy” siya niini. (BANAT NEWS)