Karaang dagway sa Patria de Cebu ipabilin
CEBU, Philippines — Naduso na sa Archdiocese of Cebu ang bag-ong desinyo sa Patria de Cebu ngadto sa buhatan sa National Historical Commission of the Philippines matud pa ni Fr. Brian Brigoli ang Chairman of the Archdiocesan Commission on Culture and Heritage ug kasamtangan usab nga Cathedral Museum Director.
Matud pa ni Brigoli, siya ug si Archbishop Jose Palma nakigtigom sa kadagkoan sa NHCP ug didto nila giduso ang bag-ong desinyo. Sa bag-ong desinyo gipabilin gihapon ang karaang dagway sa maong edipisyo.
Gipaabot nalang nila ang official nga clearance gikan sa NHCP aron mapahiluna na usab nila ang tanan nga mga government permits aron makasugod na sa pag-ugmad sa maong edipisyo.
Gitug-an ni Brigoli, malipayon siya ug ang tanan tungod kay atol sa pagduso sa bag-ong desinyo walay dagkong kausaban.
Sa pakighinabi sa Banat News kang Brigoli miingon nga buot nilang mabuksan ang maong proyekto atol sa ika- 500 ka tuig nga Kristiyanismo dinhi sa Pilipinas karong 2021. (/IBM)(BANATNEWS)
- Latest