Supak “no vaccination, no enrollment”— Davide
CEBU, Philippines — Si Gobernador Hilario Davide, III nipadayag sa pagsupak sa plano sa Department of Health ug Department of Education nga i-require ang mga tinun-an magpabakuna una pa maka-enroll.
Ang "no vaccination, no enrollment" sa duha ka ahensiya nakita nga pamaagi aron mapugos ang mga ginikanan nga pabakunahan ang ilang mga anak hilabina sa pagbatok sa tipdas.
Ang DOH Central Visayas nideklarar na og outbreak sa rehiyon tungod sa padayon nga pagsaka sa kaso sa tipdas unom na ang namatay sa Central Visayas. Si Davide nagkanayon nga katungod sa mga bata nga makakuha og edukasyon.
"Dili sad ko uyon ana, (no vaccination, no enrollment), i-enroll una ang bata because education is a right, that is in the constitution ang pagpaeskwela sa mga bata. Adto na pabakunahan inig ma-enroll na, kung naa na sa eskwelahan", matud ni Davide.
Si Magpale sa iyang bahin, nagkanayon nga kon wala nay laing pamaagi nga mahimo aron mapugos ang mga ginikanan apan nabalak-an niya ang mga bata sa laing relihiyon tungod kay adunay dili modawat og bakuna. (/BDB)(BANATNEWS)
- Latest
