Sinakong bugas ipanghatag sa habalhabal drivers karon

CEBU, Philippines —  Usa ka libo ka mga motorcycles-for hire ang makadawat karong adlawa og tag usa ka sakong bugas gikan sa Cebu City Government.

Kahinumduman ang kagamhanan sa siyudad mitabang sa mga motorcycles-for-hire sa siyudad pinaagi sa paghatag og usa ka sakong bugas human ang Korte Suprema misuspenso sa operasyon sa Angkas lukop nasud.  Subay niini, si Cebu City Assistant Admi-nistrator Annabeth Cuizon miasoy nga ang siyudad magsugod og distribute sa bugas alas 9 sa buntag karong adlawa sa Plaza Independencia.

Ang maong usa ka libo nga motorcycles-for-hire drivers maoy nakahatag sa tanang rekisitos nga gipangayo sa kagamhanan subay sa nakalatid sa Executive Order No. 45 nga giluwatan ni Mayor Tomas Osmeña. Dugang ni Cuizon nga kini ang unang hugna og magpadayon ang ilang pagpanghatag og sinakong bugas niadtong padayon pa nga nagproseso sa mga rekisitos.  Ang Two-wheeled Motor Vehicle Monitoring Coordinating, and Assistance Unit (TMV-MCAU) maoy nag-validate sa mga requirements sa mga habalhabal drivers diin ang dad-on nalang nila mao ang certificate nga magpamatuod nga kumpleto na ang ilang mga dokumento uban ang bisan unsa nga government ID.

Nagkanayon sab si Cuizon ang Liga ng mga Barangay maoy ilang gitahasan aron pahibaw-on ang mga presidente sa habalhabal associations ingon man ang mga barangay Kapitan.  DILT (BANATNEWS)