Davide nagduha-duha pagsuporta sa legalisasyon sa marijuana
CEBU, Philippines — Mitug-an si Cebu Governor Hilario Davide III nga nagduha-duha pa siya sa iyang baruganan kabahin sa paghimong legal sa marijuana nga gamiton isip tambal.
Ang mga mambabalaod sa balay balaoranan nipasar kini sa third ug final reading sa pag-legalize sa marijuana nga gamit pang-medical.
“Pero ako, really ako I’m having second thoughts unless there’s proof gyud na ang marijuana can be use as a medicine and will be proven medically nga can cure certain diseases” matud ni Davide.
Miingon si Davide nga dakong debate ang pag-aprobar niini sanglit ang marijuana una man nga gibawal sa Pilipinas. “Ang problema na ron ilan ng tugotan, daghan ang mo-apply ana i-accredit,” dugang pa ni Davide.
Ang pangulo sa Cebu Provincial Anti-drug Abuse Office (CPADAO) una nang nipadangat sa ilang kabalaka kabahin unya sa pagkontrol sa pagtanom sa mga marijuana.
Gibasehan ni Meca ang probinsya sa Sugbo diin daghan ang mga bukirang dapit nga adunay mga gitago nga illegal plantation sa marijuana.
Niadtong miaging semana, ang House of Representatives mipapasar sa third ug final reading sa House Bill 6517 o ang Act Providing Compassionate and Right of Access to Medical Cannabis and Expanding Research into its Medicinal Properties and for Other Purposes.
Ang maong balaodnon nagtinguha sa legal nga pagamit sa maong tanum alang sa mga pasyente nga nag-antos sa mga chronic pain, seizure o epilepsy. (BANATNEWS)
- Latest
