Gobernador Davide uyon sa ‘Habal-Habal’
CEBU, Philippines – Dakung suporta si Gobernador Hilario Davide III sa lakang ni Cebu City Mayor Tomas Osmeña sa pag-legalize sa habal-habal.
Ang gobernador nagkanayon nga dako ang matabang sa mga habal-habal ilabi na ngadto sa mga nagpuyo sa lagyo nga lugar nga walay lain kasakyan kon diin pampasaheroan nga motor.
“People from the mountain barangay, our folks there, they depend on the habal habal to bring their children to school, to buy goods sa poblacion, kanang uban pa nilang mga daily routine nila. So para nako it’s about time, aw dugay na gani, nga dunay moves to legalize habal habal” matud pa ni Davide.
Si Osmeña una nang nagkanayon nga dakung tabang sa ekonomiya sa Sugbo ang habal-habal.
“We cannot live without the habal-habal. The industry will not survive” matud pa ni Osmeña kinsa nisaysay nga 60 porsyento sa land area sa dakbayan sa Sugbo, bukirang lugar kon diin nagpasabot nga pipila sa mga residente nagpuyo didto ug walay igong kasakyan ug nag-agad lang sa mga motor o habalhbal.
“I wanted nga duna gyud law that would regulate habal-habal. Tinood ang gisulti ni Mayor Osmeña nga daghan ang mga tawo nga dependent sa habal habal hilabina katong mga tawo nga namuyo sa lagyo nga lugar, mao man sad na ang kahimtang sa mga kalungsoran.”
Sa mga lungsod, aduna pay mga lugar nga dili maagian sa mga four-wheel vehicles ug motor ra ang makaagi nga maoy gibasehan ni Davide sa pagsuporta sa habal-habal.
Usa sa mga rasun sa supak sa habalhabal mao ang kaluwas sa pagbyahe niini. Nakita sa gobernador, mao usab kini ang hinungdan nga adunay balaod nga mo-regulate niini. - /LPM (BANAT NEWS)
- Latest