600 sundalo ibutang sa BOC
CEBU, Philippines – Ang Armed Forces of the Philippines mopakatap og 600 deputized personnel diha sa Bureau of Customs alang sa intelligence, counter-intelligence, logistical support subay sa mando ni Presidente Rodrigo Duterte.
Si AFP Chief of Staff, General Carlito Martinez Jr. kinsa maoy guest-of-honor atol sa turn-over of command sa AFP Central Command Camp Lapu-Lapu kagahapon miingon nga ibutang ang maong mga sundalo sa mga importanteng buhatan diha sa BOC apan base sa rekomendasyon sa maong ahensya kun asa sila haom.
Matud niya, duna nay memorandum of agreement nga ang AFP ang motabang sa intelligence support, technical ug counter-checking measures sa BOC. Sagad sa mga tropang idestino gikan sa local nga mga kampo sa AFP sama sa AFP-Central Command.
“Nagkaroon ng pirmahan and nagkaroon ng kasunduan na we will provide intelligence support, technical support, counter intelligence and other assets maybe derived from other unified commands, which includes CentCom,” matud pang Martinez sa ambush interview.
Iyaha usab giklaro nga di tinuod nga military take-over ang gibuhat sa pangulo kondili dugang suporta lang para sa BOC.
Sumala pa niya, suhito ang AFP sa pagpangaylap og intelligence report ug pinaagi sa ilang training makatabang kini og dako batok sa pagpalusot og mga kontrabando.
“Because normally ang BOC, kulang sila ng intelligence component – alam naman natin ang AFP napakatibay ng intelligence at counter-intelligence and at the same time may aircraft component, meron din tayong special units,” dugang pa niya. -/IBM (BANAT NEWS)
- Latest
