Labella: Hustong paggamit sa pundo ang yawe
CEBU, Philippines – Mga opisyales sa siyudad sa Sugbo nahinangop sa gipagawas nga report sa Commission on Audit nga nag-ingong ikaupat ang Cebu City sa labing adunahan nga siyudad sa tibuok nasud.
Nag-una sa pinakadato nga siyudad ang Makati City nga dunay total assets nga P195 million sa 2017.
Sa COA’s financial report on local governments, ang asset sa Makati City misaka og 258 percent.
Ang Quezon City kinsa niadtong tuig 2015 ug 2016 naa sa unang pwesto, naa nalang karon sa ikaduhang pwesto nga dunay total assets nga P68.33 billion sa 2017.
Nagpabilin sa ikatulong pwesto ang City of Manila nga dunay asset nga P38.68 billion sa 2017.
Gisundan kini sa Cebu City nga dunay assets nga nagkantidad og P33.86 million.
Si Cebu City Councilor Jocelyn Pesquera miasoy nga expected na nga ang Cebu City masulod sa top 5 gumikan sa kadugayon ug malambuon sab ang ekonomiya sa siyudad.
Matud niya dako kining hagit nga mapabilin o mapasaka pa ang standing sa Cebu City.
Matud niya, mas taas pa man gani unta ang kabutangan sa siyudad base sa gidaghanon sa mga negosyo dinhi.
Si Vice Mayor Edgardo Labella miingon nga importante gyud ang saktong paggamit sa government resources aron dili mausik.
“Another important aspect is how we spend the resources, the funds of the city in keeping with provisions of Republic Act 6713 otherwise known as the code of conduct and ethical standards, spend wisely in accordance with the existing laws, of course the law on spending the public funds and resources,” matud pang Labella.(/IBM)(BANAT NEWS)
- Latest
