Nisukol atol sa buy-bust patay
CEBU, Philippines – Patay ang 30-anyos nga lalaki human nisukol sa kapolisan atol sa buy-bust operation sa may Barangay Talaytay, Argao niadtong Martes sa hapon.
Ang nakalas naila nga si Marloue Limbaga alyas Alot, ulitawo, taga Barangay Simala, Sibonga.
Matud ni Police Officer 1 Jayson Lobendina, desk officer sa Argao Police Station, nga nipabuto si Limbaga sa iyang armas tumong sa polis apan nabawsan kini ug nakaangkon og mga samad pinusilan sa iyang kalawasan hinungdan sa iyang kamatayon.
Nasakmit gikan sa namatay ang pinutos nga ginadiling drugas nga balor og P63 mil ug armas nga .38 revolver.
Si Limbaga nasayran nga notado nga nalambigit sa ilegal nga drugas ug napriso na kanhi tungod sa kalambigitan sa maong ilegal nga kalihukan. (/GMR)(BANAT NEWS)
- Latest