Nag-videoke sa gabii, patay pagka-buntag

CEBU, Philippines – Napalgan patay ang usa ka lalaki sa Candabong, Alcantara niadtong Lunes sa alas 6 sa buntag.

Ang biktima giila nga si Jessie Boy Lamosao, 26, nagpuyo sa nahisgutang lugar.

Base sa inisyal nga imbestigasyon sa kapolisan, ang biktima uban sa iyang amigo nga si alyas Palito niabot nga hubog sa balay sa usa ka magtiayon aron mag-videoke ug niapas ang iyang mga ig-agaw niadtong Domingo.

Nilakaw ang biktima alas 8:30 sa gabii sa maong adlaw apan Lunes sa buntag nakit-an na lang sa usa ka residente sa maong lugar ang patay’ng lawas ni Lamosao nga adunay samad sa agtang.

Sa dugang imbestigasyon nasayran nga ang mga residente nakadungog og usa ka buto sa pusil mga alas 11 sa gabii niadtong Domingo. (/GMR)(BANAT NEWS)