Land swap deal natuman na
CEBU, Philippines – Human sa 25 ka tuig nga kabalaka nga idemolis sa ilang gipuy-an, ang 5,000 ka beneficiaries sa 93-1 ang matigayon na sa ilang pagpuyo.
Napirmahan na tali nilang Cebu City Mayor Tomas Osmeña ug Gobernador Hilario Davide III ang Deed of Donation and Acceptance sa pagbinayloay og luna.
Ang 2.5-hectare sa South Road Properties; 13,711-square meter lot sa Sewerage Treatment Plant; 2,475-square meter slaughter house sa North Reclamation Area, 9-hectare sa Pulpogan, Consolacion, 3.3-hectare Block 27, Block 27-A ug Block 27-B ug uban pa nga iya sa Siyudad sa Sugbo ang ibaylo sa 32.4-hectare lot sa Probinsiya sa Sugbo nga ubos sa Provincial Ordinance No. 93-1. Sila si Celsa Ferrer ug Gloria Abregana, sakop sa Kamputhaw Buli-Socorro Homeowners Association, nalipay nga napirmahan na ang Deed of Donation and Acceptance.
Daku sab ang kalipay ni Davide nga ang probinsiya ug siyudad nagkasinabtanay kabahin sa isyu sa 93-1 ug mapasalamaton kini kang Osmeña sanglit taud-taud na nila kining gipaabot.
“Magpasalamat sad ko sa Cebu City kay duna puy ihatag ang Cebu City sa Province, dunay gi-donate pud nga yuta pud nga kapahimuslan sa probinsiya,” matud ni Davide.
Karon nga napirmahan na ang Deed of Donation and Acceptance, ang siyudad moumol og formula sa pagsulbad sa kaso sama sa pagpabayad sa mga beneficiaries sa luna nga ilang gipuy-an.
Si Emily Malto, presidente sa 93-1 Movement nagpasalamat nilang Davide ug Osmeña gumikan kay gituman gyud sa mga nahisgutan ang ilang gisaad dihang niasumer sila sa ilang katungdanan human sa 2016 elections. (/GMR)(BANAT NEWS)
- Latest
