Land swap deal hapit nang matapos
CEBU, Philippines — Nanaad silang Cebu Governor Hilario Davide III ug Vice Governor Agnes Magpale nga suportaan nila ang resolusyon nga hingpit motapos sa dugay na nga isyu sa 93-1 land swap deal. Kini mao ilang birthday message sa pagsaulog sa adlaw nga natawhan ni Mayor Tomas Osmeña sa Waterfront Cebu City Hotel and Casino niadtong Biyernes sa gabii.
“I would like to mention here that the land swap deal nato, karong Lunes puhon, i-take up na sa Provincial Board,” matud ni Davide.
Sigon niya moabag ang probinsya sa siyudad sa pagresolba sa Cebu Provincial Ordinance 93-1 nga nakaapektar sa 5,000 ka mga residente sa siyudad nga nagpuyo sa yuta sa probinsya.
Duha ka semana ang milabay, gipasar na sa City Council ang resolution nga nag-authorize ni Osmeña nga pirmahan ang Deed of Donation alang sa land swap deal sa 93-1.
Si Magpale miingon nga parte sa agenda sa Cebu Provincial Board karong Lunes ang resolusyon nga magtugot ni Davide nga mopirma sab sa deed of donation alang sa 93-1. “We have to approve the resolution. It’s a done deal,” matud niya.
Sa iyang bahin, si Osmeña miingon nga ang pasalig sa duha kinahanglan kaayo aron mahuman na kining problema nga niadtong 1993 pa nagsugod.
“The 5,000 families…they’ve been waiting for so long. Mike Rama blocked it. Gwen Garcia blocked it. We will not allow them to block it anymore. We have to finish this now,” matud sa mayor. (/IBM)(BANATNEWS)
- Latest