Davide dili mamugos kang Magpale
CEBU, Philippines — Si Gobernador Hilario Davide, III mipadayag nga dili siya mamugos kang Bise Gobernador Agnes Magpale kong ugaling dili na kini modagan sa sunod nga piniliay.
Sayo pa, si Magpale mipadayag kini nga buot na siyang mopahuway sa politika.
Si Davide nagkanayon nga si Magpale ang buot gihapon unta niyang mamahimong running mate sa 2019 midterm election.
Apan kong pinal na ang maong desisyon ni Magpale mangita na lang si Davide og lain nga lig-on usab nga iyang mapares sa umaabot nga eleksiyon.
Ug mangayo siya og sugyot gikan kang Magpale kong kinsa ang irekomendar niini.
Si Davide nipahibalo na kini nga modagan pagbalik pagka-gobernador sa lalawigan sa Sugbo.
"Kami ni vice gov we will discuss, she may have recommendations, I will also take this up with our allies”, matud ni Davide. (BANAT NEWS)
- Latest
