‘Drug hot spot’ ipaklaro

CEBU, Philippines – Ang mga opisyales sa Siyudad sa Sugbo managlahi og reaksyon kalabot sa “drug hotspot” nga bansag sa Cebu.

Bisan mihangop sa malampusong mga operasyon sa kapolisan batok sa ilegal nga drugas, si Konsehal Pastor Alcover,Jr. gusto niya nga gukdon sa kapolisan ang mga drug lords ug ang source sa ilegal nga drugas aron hingpit kining masumpo.

Si Philippine National Police Director General Oscar Albayalde miingon nga hot spot pa gihapon sa ilegal nga drugas ang Cebu tungod kay daghan pa gihapon ang masakmit nga drugas sa mga operasyon sa kapolisan.

Kini usab ang unang pamahayag ni Presidente Rodrigo Duterte nga ang Cebu usa sa drug hot spots sa nasud.  Apan si City Councilor Sisinio Andales miingon nga angay unta klarohon kon diin dapita sa probinsya ang drug hot spot.

“It is a sweeping statement that Cebu is still a drug hot spot albeit Cebu has nine cities and three highly urbanized cities,” sigon niya.

Si Konsehal Jose Daluz III miingon nga ang ilegal nga drugas usa sa mga seryoso nga problema sa Cebu.

Sigon niya nga si Governor Hilario Davide III ug tanang mayor sa Sugbo ang angay nga magtinabangay pagsumpo niini.

“They should lead in the fight. I believe if the mayors and the governor are serious in eliminating the drug menace, Cebu would not be a hot spot,” sigon ni Daluz.  Mao usab kini ang posisyon ni Konsehal Joel Garganera nga ang siyudad ug ang katawhan kinahanglang magtinabangay pagsulbad niini.

Sa laing bahin, ang direktor sa Cebu Provincial Police Office (CPPO) nga si Police Senior Superintendent Manuel Abrugena uyon sa pamahayag ni Albayalde  kay matud niya daghan pa gyud ang ilegal nga drugas dinhi.

“We are winning this war, napakalaki na ng pagbabago. Based doon sa mga nakakausap kong mga civilians, naramdaman nila at nakikita nila ang malaking pagbabago mula sa pag-assume ng ating presidente (Duterte),” dugang ni Abrugena. Matud pa niya nga ilang gipaningkamotan karon ang pagpagamay sa mga drug users ug ang pagpaubos sa demand sa illegal drugs ug kinahanglan ang pag-edukar sa mga kabataan batok niini.

“The PNP cannot stand alone this fight kailangan ang tulong ng local government unit, community at stakeholders. Kung wala ang unity ay definitely ay hindi natin maipanalo ang laban na ito sa illegal drugs kaya laking pasasalamat ko sa LGU at community,” si Abrugena miingon. Samtang ang mga opisyal sa Commission on the Laity miawhag sa katawhan sa pag-ampo ug batokan ang ilegal nga drugas. Giawhag niya ang mga opisyal sa barangay nga mangusog sa war on drugs. (Rowena D. Capistrano/IBM)(BANAT NEWS)