35 barangay hayan ma-drug cleared
CEBU, Philippines — Dugang 35 ka mga barangay sa lalawigan sa Sugbo ang giendorsar karon ngadto sa oversight committee sa probinsya sa Sugbo aron nga madeklarar nga drug-cleared.
Base sa record sa Cebu Provincial Anti-drug Abuse Office nga pito sa maong mga barangay ang gikan sa Oslob, usa sa Naga ug upat sa Samboan, lima sa San Francisco ug 18 ka barangay sa Tabogon.
Ang maong mga barangay napaubos na sa on site validation sa team nga gilangkoban sa CPADAO, Department of Health, PDEA, Cebu Provincial Police Office (CPPO) ug DILG. Gawas sa 35 aduna pay laing 15 ka barangay nga ibalik og rekomendar ngadto sa oversight committee kay sa una wala sila makapasar sa unang deliberasyon maong wala maapil og deklarar niadtong sayong semana sa bulan sa Mayo.
Kasagaran sa maong mga barangay nga wala makapasar tungod wala pa ma aprobahe sa DOH ang ilang community based treatment program.Siyam sa maong mga barangay gikan sa lungsod sa Alegria, tulo sa Medellin ug laing tulo sa San Francisco. Ang lalawigan sa Sugbo adunay 1,066 ka barangay apan 185 pa lamang ang drug cleared. IBM (BANAT NEWS)
- Latest