‘Self-defense’ wa kalusot sa gun ban
CEBU, Philippines — Nasikop ang unom ka tawo human nakuhaan og mga mahait nga hinagiban lakip sa armas sa may Sitio Paradise, Pajo, Dakbayan sa Lapu-Lapu alas 9 pasado sa gabii niadtong Domingo.
Ang nadakpan mao sila si Teresito Causapin, 28; Roldan Paquibot, 38; Brec Jay Omolon, 24, ug Edgar Gomez, 28, kinsa pulos nakuhaan og mga mahait nga hinagiban.
Samtang ang nakuhaan og armas mao sila si Eugene Almeda, 62; taga Marigondon kinsa nakuhaan og caliber .45 nga adunay duha ka magazine ug 11 ka bala ug si Leorie Tampus, 29, taga Looc, kinsa nakuhaan og replica sa .9mm ug magazine.
Matud ni Senior Police Officer 3 Candido Barinque, desk officer sa Station 3 sa Lapu-Lapu City Police, nga nakadawat sila og tawag gikan sa usa ka concern citizen nga adunay mga tawo nga armado hinungdan nga gialarmahan kauban sa mga sakop sa Special Weapons and Tactics nga gipangulohan ni Police Inspector Jefferson Sinfuego.
Sumala pa ni Barinque nga base sa pangangkon sa mga suspek nga tradisyon nila kini isip depensa sa ilang kaugalingon apan tungod kay gun ban hinungdan nga sila gidakop.
Gisusi sa kapolisan kung si Almeda ug Tampus wala ba naapil sa mga goons nga possible untang gamiton atol sa adlaw sa eleksyon. (BANAT NEWS)
- Latest
