Way pinalabi ang Kapitolyo

CEBU, Philippines – Gihimakak ni Gob. Hilario Davide III nga pinili ang pagpili sa mga barangay nga gideklarar nga drug cleared sa lalawigan sa Sugbo pinaagi sa Cebu Provincial Anti-drug Abuse Office (CPADAO).

Atol sa pormal nga pagdeklarar sa 25 ka barangay sa probinsya nga drug-cleared, si Davide nagkanayon nga ang oversight committee nga gilangkoban sa Department of Health, Department of Interior and Local Government (DILG),  Cebu Provincial Police Office (CPPO), CPADAO ug gipangulohan sa Philippine Drug Enforcement Agency (PDEA) ang nagpili kanila.

Matud niya kining tanan adunay papel sa pagpili sa barangay ug dili lang ang probinsya. Labaw nga wa kini kalabotan sa eleksyon.  Apil sa drug cleared mao ang tulo ka barangay sa Danao: Licos,  Nangka, ug Cambuho. Sa dakbayan sa Naga mao ang Barangay Mayana; Himensulan sa San Francisco; Luyang, Victoria, Kinawahan, Poblacion,  Anapog,  Dapdap, ug Punta sa San Francisco.

Samtang ang tanang 13 ka barangay sa lungsod sa Pilar drug cleared na pud.

Ang mga mayor ug representante sa maong mga barangay maoy nidawat sa certificate isip drug cleared barangay. (/IBM)(BANAT NEWS)